ҲОМИДЗОДА ФУРҚАТ МУҚИМ
Ҳомидзода Фурқат Муқим 14 майи соли 1969 дар шаҳри Хуҷанд, дар оилаи зиёӣ таваллуд шудааст. Фаъолияти меҳнатиашро соли 1986 ба ҳайси котиби суди шаҳрӣ оғоз намудааст. Пас аз хизмати ҳарбӣ ба факултети таърихи Донишкадаи давлатии омӯзгории Ленинобод ба номи С.М.Киров (ҳозира Донишгоҳи давлати Ҳуҷанд ба номи академик Б. Ғафуров) дохил шуда, онро соли 1994 бо «Дипломи аъло» аз рӯи ихтисоси муаллими таърих ва ҷамъиятшиносӣ, методист оид ба корҳои тарбиявӣ хатм кардааст. Ӯ минбаъд дар чунин вазифаҳо фаъолият бурдааст:
· солҳои 1992-1994 лаборанти кафедраи таърихи нав ва навтарини МДТ “ДДХ ба номи академик Бобоҷон Ғафуров”;
· солҳои 1994 -1995 унвонҷӯи кафедраи таърихи халқи тоҷики МДТ “ДДХ ба номи академик Бобоҷон Ғафуров”;
· солҳои 1995 – 1998 аспиранти кафедраи таърихи халқи тоҷики МДТ “ДДХ ба номи академик Бобоҷон Ғафуров”;
· солҳои 1996 – 1999 раиси Созмони ҷавонони донишгоҳ,
· солҳои 1999-2000 мудири шуъбаи кор бо ҷавонони донишгоҳ,
· 1998-2001 сармуаллими кафедраи таърихи халқи тоҷики факултети таърихи МДТ “ДДХ ба номи академик Бобоҷон Ғафуров”;
· 2000-2002 дотсент, мудири кафедраи таърихи халқи тоҷики факултети таърихи МДТ “ДДХ ба номи академик Бобоҷон Ғафуров”;
· 2002- 2005 ҷонишини декан оид ба корҳои таълими факултети таърихи МДТ “ДДХ ба номи академик Бобоҷон Ғафуров”;
· 2005-2008 декани факултети таърихи МДТ “ДДХ ба номи академик Бобоҷон Ғафуров”;
· солҳои 2008-2010 пас аз муттаҳид гардидани факултетҳои таърих ва ҳуқуқшиносии донишгоҳ сарварии факултети таърих ва ҳуқуқро дар уҳда дошт.
· аз январи соли 2010 то марти 2010 ходими калони илмии кафедраи таърихи халқи тоҷики ҳамин донишгоҳ маҳсуб меёфт.
· аз соли 2010 фаъолияти худро дар Донишгоҳи давлатии ҳуқуқ, бизнес ва сиёсати Тоҷикистон идома дода, пас аз ҳимояи рисолаи докторӣ моҳи сентябри соли 2011 мудири кафедраи фанҳои ҷамъиятӣ таъин гардидааст;
· солҳои 2012 – 2016 декани факултети сиёсатшиносӣ ва муносибатҳои байналхалқӣ,
· солҳои 2016-2018 мудири кафедраи сиёсатшиносӣ,
· солҳои 2018-2025 мудири кафедраи таърихи халқи тоҷики факултети сиёсатшиносӣ ва муносибатҳои байналхалқии Донишгоҳи давлатии ҳуқуқ, бизнес ва сиёсати Тоҷикистон таъин гардидааст.
Тули солҳои зиёд дар баробари вазифаҳои хизматӣ ба таълиму тарбияи донишҷӯён саҳми арзанда ва шоиста гузоштааст.
Бо фармони Вазири маориф ва илми Ҷумҳурии Тоҷикистон ба унвони фахрии «Аълочии маориф» сазовор гаштааст.
Ҳомидзода Фурқат пайваста ба конфронсҳои илмии ҷумҳуриявӣ ва байналхалқӣ маърузаҳои пурмуҳтаво манзур менамояд, мақолаҳояш хусусияти замонавӣ ва услуби хоси илмӣ дорад, барои баланд бардоштани савияи дониши худ фаъолона кор мебарад.
Рисолаи номзадиро 28 октябри соли 1998 дар мавзуи «Аз таърихи низоми ирригатсионии Вахш» таҳти роҳбарии доктори илмҳои таърих, профессор Абдуллоев Сайдулло Абдуллоевич бомуваффақият дифоъ намудааст.
Рисолаи докториро 19 майи соли 2011 дар мавзуи «Дигаргунсозиҳои аграрӣ дар Тоҷикистон дар солҳои 20-уми асри XX» таҳти роҳбарии академик Масов Раҳим Масович дар Институти таърих, археология ва этнографияи ба номи Аҳмади Дониши Академияи илмҳои Ҷумҳурии Тоҷикистон дифоъ намуд.
Муаллифи акчанд асарҳои арзишманди илмӣ мебошад, ки дар он масъалаҳои мубрами раванди сиёсии Тоҷикистони давраи гузариш бо назари тоза ба риштаи таҳқиқ кашида шудаанд.
Дар омода ва таҳия намудани қомуси МДТ “ДДХ ба номи академик Бобоҷон Ғафуров” фаъолона ширкат варзида, ба ифтихорнома ва сипоснома сазовор гардидааст.
Муаллифи зиёда аз100 мақолаи илмӣКТМ ва дастурҳои методӣ мебошад.
Бо Ифтихорномаҳо ва Сипосномаҳои садорати факултети сиёсатшиносӣ ва муносибатҳои байналхалқӣ ва раёсати Донишгоҳи давлатии ҳуқуқ, бизнес ва сиёсати Тоҷикистон шаҳру вилоят мукофотонида шудааст.
Бо фармоиши вазири маориф ва илми Ҷумҳурии Тоҷикистон моҳи сентябри соли 2025 ба вазифаи муовини ректор оид ба илм ва инноватсияи Муассисаи давлатии таълимии “Донишгоҳи давлатии ҳуқуқ, бизнес ва сиёсати Тоҷикистон” таъин гардид.